Pages

jeudi 29 juillet 2010

بخور وسناجق... وكمشة دراوش


كيما تعرفو رمضان قرب، ونفحات الإيمان بدات تهبط على بنادم في العواشر ... ربي يثبتنا ويثبت جميع المومنين .
فما جماعة، يهدينا ويهديهم، لقاوها فرصة باش يعملو إستعراض قوى كل واحد شكارتو اش لمت عام كامل من "الجهاد" الإفتراضي ، والله في خلقه شؤون ... ويبداو يخرجو في الخنار لداعي جمع الحسنات ... في الشبكات الإجتماعية بالطبيعة على خاطر على قارعة الطريق اللعب مسكر عليهم وعلى جميع خلق ربي ... الله لا يدوم حال وبرا ...

من المواضيع المتداولة النقاب ...

توة تسكر الدوسي متع الخمار اللي يغطي الشعر ... ونقص القلق شوية في الإدارات والمعاهد والكليات وولات المرا اللي تشتهي تلبس فولارة , تلبس على روحها , و نورومال , والحمدلله على خاطر مهما يكون رايي وللى رايك في اللبسة هاذي تقعد حرية شخصية , و ما تضرش الحريات الشخصية متع الغير ...
أما حكاية النقاب هاذي بدات تطلع بالشوية بالشوية موضة جديدة و أجواء وهيا نلعب ... وليت ضربة ضربتين تلقى تصويرة وللى فيديو فيها محاسن طرف قماش , اللي عبده والمعبود ربي... و اهات الطرب من كل شيرة .. "ماشالله" ..." تبركالله" ... "ربي يهدينا كيفها" ... و جرب تجرء و قوللهم كلمة عالخيشة اللي عاملين بها القهر... غير تفرج في العرض و مصطلحات تحت الحزام.
سبحانو ربي ...


توا بعد المناضلين للمرا الكل إبداهم بالطاهر الحداد وتعدى بالحبيب بورقيبة ...
بعد هذا الكل تجيك طفلة تقلك , "وجهي ربي خلقو باش نغطيه و ما نوريه كان للراجلي باش يستمتع بيه" ... شوف الضرب الصحيح يا زمان وصلنا لقمة الخضوع والتخلف ...
و تلقى رجال والرجال قلة كيما قالو عليه , يقولك "إي شبيه نحبها قطوس في شكارة" ...
و لخرة تقلك "فما حاجة اسمها رؤية شرعية يشوف فيها الخطيب خطيبتو"... باش ما يتغشش فيها , تطلعلو مدموغة وللى عين تصب في عين لا قدر الله... وللى تطلعشي فريجيدار قديمة وللى محبس حطوه في كالشكارة....


قالك وجه المرى يجيب الشهوة الجنسية ... الحقيقة ما ص
ارتلي حتى مرة العفصة هاذي , متأكد اللي الحكاية ماهيش خلل فيا هههه, أما نعرف اللي هذا اللي يصير كي يبدا الكبت الجنسي عاطي ب أطنابو والمكبوت يشوف مرا تقول شاف علوش حليب باش يتعشى بيه ...
توا تجيني مرا لابسة نقاب, باش تكلمني , باش بش نفهم وجهك انا ؟ باش بش نفهم الأحاسيس إللي تحب تبلغهم؟ عاد أقعد فالدار و كلمني بالتليفون و تهد ...
زيد وجودك فالشارع خطر عليا و عالمواطنين الكل ... شكون اللي ينجم يقلي شكون متخبي تحت النقاب ؟ راجل؟ مرا ؟ مجرم؟ قواد ؟ مريض مرض ميكروبي مع
دي؟ والقايمة طويلة ...
و زيد شوية يكملو يرفضو باش يتصورو في بطاقة التعريف ٬ و يكشفو وجوهم فالمطار و عند الطبيب وفي المركز إلخ إلخ...

شد داركم حط النيلسات تفرج في الشعوذة و كعيباة تمر و ريض شوية أختاه ٬ راهو مخك فارغ كيف الشكارة اللي لابستها
و على ذكر النيلسات... إياك ثم إياك تجبد المشيخة بكلمة ... آه شبيك فريد؟ وين ماشي؟ هذاكا , المعصوم من الخطأ، الطاهر، النقي، التقي، الزكي، الذكي ... خير مني و منك , مختار من عند الله ...
تي برى بوسلو صبع ساقو و سيب صالح هانا رجعنا للوثنية كملو إعبدوه ونفسونا... شكون إللي عطاه ها الصلوحيات هذي كان موش الجهل المزمن ...
شلكتو الدين ضحكتو علينا الدنيا ... كيفاش تحبني نحترمك و نحترم اللي يدعيو بإرضاع الكبير و رجم القرودة و تحريم الجلوس عل
كراسي و البص عاليمين ...

نصيحة لله سيبو التلكوموند والفايسبوك وبراو أعملو حاجة تنفعو بيها بلادكم و غيركم ونفسكم ، كونو جمعياة لإعانة البطالة اهيكة الدولة مش مقصرة كل عام تخرج الألاف ... لكفل اليتامى ، لرعاية المعوقين، وللى حتى للرفق بالحيوان ... وتو تشوفو الحسنات كيف تهبط كالشتاء ... هذا هو صلب دين الإسلام موش الخضوع والأنهزامية والنمطية ، ونشر الفكر متع الدغف ... ماناش ناقصين علل عالمجتمع...

و باش ما نقولش كلام آخر موش في بلاصتو نختم... برى عاد توا، أحلو دمه هههه.






7 commentaires:

Oussama a dit…

والله كنت بش نقلك الي انت غالط في حكاية النقاب و الي هيا زاده حرية شخصية اما اقنعتني بحكاية الي ما تعرش شكون الشخض هذاكه الي ينجم يكون مرا متنقبة كيما ينجم يكون سارق كيما ينجم يكون مجرم....
و برجولية البوست متاعك خلاني نلوج في الانترنات على حكاية النقاب هل هو فرض ولا لا
و هاو شلقيت و بدون اي اجتهاد مني:
ـ في المذهب متاعنا: "ذهب الحنفية والمالكية والشافعية إلى عدم وجوب النقاب وقالوا باستحبابه"
source:
http://montada.rasoulallah.net/index.php?showtopic=16625
و فما برشا مواقع و برشا شيوخ يستدلو بالآية "وليضربن بخمرهن على جيوبهن" بش يثبتو الي النقاب فرض في حين ان ابن كثير فسر الآية بمعنى آخر الي هو: "وقوله تعالى" وليضربن بخمرهن على جيوبهن " يعني المقانع يعمل لها صفات ضاربات على صدورهن لتواري ما تحتها من صدرها وترائبها ليخالفن شعار نساء أهل الجاهلية فإنهن لم يكن يفعلن ذلك بل كانت المرأة منهن تمر بين الرجال مسفحة بصدرها لا يواريه شيء وربما أظهرت عنقها وذوائب شعرها وأقرطة آذانها فأمر الله المؤمنات أن يستترن في هيئاتهن وأحوالهن".
source:
http://quran.al-islam.com/Tafseer/DispTafsser.asp?l=arb&taf=KATHEER&nType=1&nSora=24&nAya=31
و حاجة اخرى زادة نحب نقول الي النقاب محرم في الحج: "المرأة في الحج لا تنتقب، ولا في العمرة كذلك وقت الإحرام، يقول النبيء صلى الله عليه وسلمء فيما رواه البخاري في صحيحه من حديث ابن عمر: (ولا تنتقب المرأة، ولا تلبس القفازين)"
source:
http://www.binbaz.org.sa/mat/13278

Youssef a dit…

يعطيك الصحة أسامة عالمصادر والتحليل :)
حتانا حاولت بش نعمل بحث قبل ما نكتب ...
وذركتني فيها حكاية منع النقاب في الحج ، نسيتها في التدوينة :)

venus a dit…

j'adhère avec ton point de vue youssef..

EL FAN a dit…

malgré elli ana mwaf9ek fi ba3dh enni9at fi tadwina mta3ek 5ouya youssef w na3ref elli naw3iyet la3bed elli inti 7kit 3liha s3ib el 7iwar m3aha ama 7abit njawbek 3ala ba3dh enni9at elli inti w oussama 7kitou 3liha :

1 - a mon avis yo93od lebes el ni9ab nawa3 men anwa3 el 7orria cha5siya mta3 el 3abed elli wa7ed lazmou yet3amel m3aha ... w ndhakrek hna par exemple bmaw9ef le Conseil d'État français w Amnesty international fi 7kayet enni9ab tnajam tchouf les liens hadhom par exemple (http://www.lefigaro.fr/flash-actu/2010/07/13/97001-20100713FILWWW00555-burqa-amnesty-condamne-le-vote.php)
(http://www.lefigaro.fr/actualite-france/2010/03/26/01016-20100326ARTFIG00680-burqa-l-interdiction-generale-ecartee-par-le-conseil-d-etat-.php)

2- kima 9al oussama " في المذهب متاعنا: "ذهب الحنفية والمالكية والشافعية إلى عدم وجوب النقاب وقالوا باستحبابه" w e5tilaf fi eddine mta3na ra7ma w el 9adhaya elli fiha e5tilaf barcha ama hadha ma y5allinech norfdhou etaraf el a5er

3- inti 9olet :زيد وجودك فالشارع خطر عليا و عالمواطنين الكل ... شكون اللي ينجم يقلي شكون متخبي تحت النقاب ؟ راجل؟ مرا ؟ مجرم؟ قواد ؟ مريض مرض ميكروبي معدي؟ والقايمة طويلة ..." w hna n7eb n9ollek elli el mojrem w 9awed w elli mridh 9odemna kol youm w ma tnajamech tet3aref 3lih winti ta3ref mli7 elli esser9a wel 9wada mawjoudin bzayed hal ayem w moch mest7a9in ni9ab bich ya3mlou 3mayelhom

4- el mouhem elli nes el kol kif kif 9odem el 9anoun fel matarat fi markez echorta ... w chay hadha ma t5afech 3lih na3ref elli fi tounes ki n7ebou el 9anoun yetaba9 ntab9ouh

5- etatarof eddini mawjoud men 9bal w fi jami3 ediyanat w moch bich yji nhar w yetna7a w tajareb athbtet elli 7atta el 3onef wel 9owwa fichelet fel 9adha 3ala el feker hadha... wel 7al el wa7id howa el 7iwar thomma el 7iwar w la chay ghayr el 7iwar ;)

nchalla ma nkounech twalet 3lik barcha fi tada5ol mta3i hadha ... m3a choker :)))

Youssef a dit…

Ahla b EL FAN :)
je vais essayer d'expliquer mon point de vue point par point .

1,2 , je suis d'accord sur le fait que le port de Burqa est une liberté personnelle et je ne suis pas plus qualifié qu' Amnesty pour dire le contraire . cependant les critiques ici sont plutôt dirigées vers les convictions qui ont conduit certaines femmes a adopter ce code vestimentaire ...
"وجهي ربي خلقو باش نغطيه و ما نوريه كان للراجلي باش يستمتع بيه"
"إي شبيه نحبها قطوس في شكارة"
et les prétextes sont nombreux est dans la plupart des cas très drôles et dépourvus de toute logique et de ses de l'estime de la femme .
j'ai voulu aussi dénoncer l'attitude que prennent certains partisans de la Burqa vis à vis des femmes qui refusent cette idée ou que tout simplement ne portent pas cet habit .

3,4. sur ce point je ne suis pas d'accord , la sécurité oblige une reconnaissance de l'identité au moins à travers les traits de visages ... Imaginez qu'il y a un avis de recherche ... le travail des agents de la police serait très difficile voir même impossible dans le cas ou des centaines de personnes cachent le visage et que la plupart refusent de le montrer au policiers.
vous pouvez constatez par vous même que les pays dont le port du voile intégrale est toléré , sont les pays ou l'insécurité bat tous les records . bien sur le port de la burqa n'est pas la première cause de cette insécurité mais il y participe d'une façon ou d'une autre.

5. la violence n'a jamais rien résolu bien sur .
et le dialogue est la solution comme vous venez de le dire .
le blogging est aussi une sorte de dialogue même si (et je l'admet )ce billet a le caractère un peu agressif .

merci pour la participation :)
w mar7bé bik fi koll wa9t , él dar darkom ;)))

EL FAN a dit…

Merci Youssef :)

pour la sécurité kima 9otlek la3bed el kol kif kif 9odem el 9anoun w bien sur lazemhom ywariw wjouhom quand il le faut, fel matar fi ay contrôle de police etc...

en tt k c vrai 7assitek un peu agressif fi tadwina hadhi moch ki 3waydek ;)... moi aussi je suis convaincu que le blogging est une sorte de dialogue et c pour ça g participé à ce billet

el mouhem chokran 3ala ra7abati sadrek sadi9i w nchalla fi forsa 9adma

A+

Youssef a dit…

nchallah a bientôt :)))