شبينا ديما نصورو الشاب لابس مريول الجمعية، هازز شمروخ بيدو ، وكاس موش لازم نقول اش فيه بيدو لخرى ؟

.على سلامتكم

مو كيما تعرفو العام هذا سماوه ، سنة دولية للشباب ، الحقيقة مانحبش برشة التسميات هذوما على خاطر ببساطة ماعندهم حتى معنى ...
توا اش معناها تقولي سنة للشباب ؟ معناها الأعوام الأخرى ، إلي تعداو واللي جايين، للشياب ؟

وأهوكا الشباب نعطيوهم عويم يتفرهدو فيه باش يفكو علينا مالتخرنين ...
ماعيلناش ...
بما أني نصنف روحي مالشباب ، برى قلت خلي نعمل طلة فماش ما نلقى حدث باهي في "الحومة" هكا ولى هكا ينجم يهمني كشاب ...

شي !!!كان جلسات التبندير ، وأمسيات تحرير برقيات الشكر والثناء ،ودورات تكوينية في تطوير أساليب التصفيق ...

حتى ألي يغزر مالبرا والي ما ينتميش بصفة مباشرة للفئة الشابة ، يقولك ملا جيل طالع ، شي يبكي الحجر ، (هذا كان خلاوه يبكي)
وهذاك هوا إلي صاير لل أسف ، واللي تسألو يقولك يا حسرة على صغار بكري ... والشاب ليوم ١٠٠% مايع

لا !!! ..
نقولها ونزيد نقولها الشباب ماهمش هكا !! والصورة متع القفة والميوعة واللاوعي ما تعكسش حقيقتنا .
الشباب واعي وحتى كان نسبياً ، والوعي متاعو مش ماركة لا "تفتح باب الرتل قبل الوقوف" ولى "أرمي الأوساخ في الحاويات المخصصة"
شبينا ديما نصورو الشاب لابس مريول الجمعية، هازز شمروخ بيدو ، وكاس موش لازم نقول اش فيه بيدو لخرى ؟
شبي كل ما نجبدو نحكيو عالشباب نجبدو عالحرقة والكورة والتدخين والحكايات الفارغة أكهو ؟
علاش ما نحكيوش عالحقيقة كاملة ؟

ما فماش شباب فالاحزاب ؟

ما فماش شباب فالجمعيات الغير المتلونة ؟

مثلاً على ذكر الجمعيات نعرف ثلة من الأصدقاء الشباب ، الكلهم من الجنس اللطيف ، قالو علاش ما نعملوش جمعية خيرية موش لازم نذكر اسمها ؟
قالو
علاش ما نصرفوش حتى شوية عالعباد إلي دايرة بيهم الدنية ...
اش خير من إنو نصورو ضحكة على وجه صغير مريض ...
ها البنات معندهمش ميزانية ضخمة بما أنهم الكل يقراو ، أما قررو باش يبداو ، بالإمكانيات إلي عندهم ...
قررو باش يعاونو ولاد بلادهم، إلي في حاجة لعباد هكة... في حاجة لينا ، و إلي في أغلبية الحالات، نساتهم خزائن الدولة، باش ما نقولوش حاجة أخرى

قررو باش يبداو، وبداو ...

ووقتلي الشارع يسأل على الثلاثة مليارات ألي هداوهم للجمعيات الرياضة ، لشكون باش تمشي ، هوما يدورو في الشارع يشريو في الهدايا للأطفال المرضى بشوية عشرلافات لموهم من مصروفهم على حساب حاجات أخرى .

هذا نموذج وإلى مثال للشباب ليوم ، ما نكذبش ونقول الكلهم كيما هكا . وحتى كان يمثلوا أقلية لازم نحكي عليهم... لازمني ومن واجبي كشاب باش نحكي على شبان يعطيو درس في الوطنية ، في عصر ولات فيه تتباع وتتساوم ...
ها الشابات هاذم، كيفهم كيف برشة شباب اخرين ما إستسلموش للتهميش ... وبداو مسيرتهم على طريقتهم ، وساهموا وباش يزيدوا يساهموا في تلميع صورة الشاب كما يقولوها ، أما موش في المحافل الرياضية ولا قعدات المبايعة ...

كشاب نفرح نفتخر كي نسمع حاجة هكة ...
خاصةً كي تبدا في السنة الطبالة متاع الشباب ، باش تبدا أسورتيى هههه

كليمة لازم تتقال

قلنا السلام ...

عندي برشة ما كتبتش حرف علحيط ، الله غالب القراية مفشختني والإلهام عندو مدة ما طلش ... هاني رجعت نحكي ليوم على حكاية نحب من خلالها نكرم شخص ...

ليوم، كيما كل يوم قمت عالفجر والدنيا مازلت ليل ومشيت باش ناخذ الترينو ونعمل أكل الرحلة كيما ...أغلبية الشعب الكريم

طلعت ، شديت بلاصتي في البريمة المكيفة (تكييف طبيعي) ، وقعدت نستمتع بهاكل النسمة ، حتى هيا الدنيا سخانة ، تقول غرغور القايلة في أوسو .

... ما عليناش

... وأنا هكاكة عين مسكرة وعين مغمضة

وتفيقني زنس عيطة القضا !

... حتى هكلي كانو قاعدين قدامي يحكيو عالكورة تفجعو و سكتو. غزرت ورايا بش نشوف شنية الحكاية، .لقيت ولد صغير ، مسكين معاق ذهني ، أهوكة ساعات لا طاحوا لا دزوه يسيب صيحة باهية

وقعد هاكل الطفل ثنية كاملة وهو يعاود في برشة أسامي وضربة ضربتين يعطيها صيحة ترجع الترينو عالسكة ...

وزيد أنا ماشي نعدي ثمنية سوايع كرفي ، في معهد عالي موش لازم نذكرو اسمو حفاظاً على السرية ومراعاةً لأصحاب القلوب الضعيفة ...

ما نكذبش عليكم ومن غير تنوفيق، هكل الطفل رغم إعاقتو ألي ماعندو فيها حتى ذنب ، نرفزني وطلعلي الكلبة بنت الكلب لراسي ...

وليت نقعد نقعد ونتلفت نقحرلو ، قلت بالكشي ينفع ...

عاد هكاكة على تلفيتي ريت مرا قاعدة بحذاه ، يعيطلها "أمي" .وهي تلحلح وتعاود " يزي عيش والدي معادش تعمل هكة" "صحيت عيش ولدي" " شو تاتا " ...

المرى بالها واسع ما تسمع منها كان الكلمة الباهية ، وصوت الصطاكة والضرب لا ...

قلت ... سبحان ربي ، توا أنا نصيف ساعة برك ... كان نلقى نلوح روحي مالشباك ...

وهي ؟

... كل يوم كل يوم تهز فيه وتجيب

تفطر فيه الله أعلم بأي معجزة

... تبات متحيرة عليه لايفيقلها عقاب الليل

...وبالها واسع ،وكيف كان أصغر من هكة مهمتها كانت أصعب

... وكيف يكبر مزالت باش تتلها بيه

...متئكد إلي بالها ديمة واسع

... نحب نكرم هل مرى

...نحب نكرم كل أم عايشة كيفها

... نحب نكرم كل أم

نحب نكرم أمي إلي من غيرها مستحيل كان نجم نكتب حرف من هالتدوينة ،

إلي توا خمستاش سنا وهي تقومني مالنوم باش نمشي نقرا ، من المدرسة التحضيرية إلى المعهد التحضيري

... إلي كل ليلة من غير إنقطاع تجي تغطيني حتى كي تبدا مريضة

... إلي علمتني نقول لا

... إلي نغششها ساعاة وتسامح

... إلي كيف كل أم تنسى المجهود، والتضحيات ألي عملتهم

... تكريم إلى كل أم في كل بقعة عالأرض

وحتى كان فما أمهات في كوكب آخر ... في مجموعة شمسية أخرى ... تكريم لهن زادة ... ... تكريم للي تتسب فالستاد

... تكريم للي تتسب فالمعهد

... تكريم للي تتسب على قارعة الطريق

تكريم للوحيدة ألي تستحق لقب مناضلة

أمي ، أمك ، و أمو

Gaza ?,un an ?

Gaza... un an ...

La chose que je n'arrive pas à assimiler c'est le choix de Gaza comme lieu , et d'un an auparavant comme date .

pourquoi le 27 decembre 2008 ?

Ce dont je suis sur , c'est que l'occupation de Palestine et les victimes qui perissent en masse ne datent pas de l'an dernier ...

Et encore , Palestine est-t-elle le seul territoire arabe occupé ?,
est-t-elle la seule à recenser des victimes ?

Mais Qu'est ce que l'occupation ?

et qu'est ce qu'une victime ?

Ne serait-t-il pas plus lucide de mettre comme titre

" Monde arabe , 300 ans deja " ?.

Manipulations

attention ! je suis peut être entrain de vous manipuler !

on trouve sûrement fascinantes toutes ces histoires d'hypnose et de contrôle mentale .
le fait de voir un illusionniste exerçant son art nous fait dire " c'est sûrement truqué "
ça l'est peut être ...
mais sachez que vous êtes peut être victime de manipulations , votre personnalité peut en être même le fruit .

Parlons actualité ,
au lendemain de la mort de Michael Jackson , Sa "pauvre" victime Jordan Chandler a avoue pour la première fois que Michael n'avais rien à voir avec les accusations que lui même Jordan chandler alors âgé de 13 ans avait lancé .
« Maintenant pour la première fois, je ne supporte plus de mentir. Michael Jackson ne m'a rien fait et c'était uniquement des mensonges pour enrichir mon père ».

et quel enrichissement !! Michael avait alors payé 22 millions de dollars à la famille Chandler .

Depuis 1993 les média n'ont pas cessé d'accuser le King of Pop bien qu'il soit innocenté par la justice ...

et durant toutes ses années nous avons crus à cette nouvelle image salie du King ...
une image sans cesse nourrie par de nouvelles accusations et de nouveaux mensonges ...

Mais alors, peut on vraiment différencier le vrai du faux ??

et si cet article n'est que mensonges et manipulations ?! .