Pages

dimanche 13 février 2011

النهضة ، من الهولوكوست إلى السلطة



ما حبيتش ندخل في الموضوع مالإول ، قلت ها النوع مالإفكار ينجم يكون سلبي أكثر مللي يجيب حاجة جديدة ، خاصةً في الوضع الصعيب شوية اللي نعيشو فيه ...
أما موش مشكل ، خلي الواحد يعبر شوية وبڨلة ليها ...

مو سيدنا الشيخ راشد الغنوشي روح من بلاد الفرنجة وأستقبلوه في المطار بالألاف ...
جموع يغنيو "طلع البدر علينا" وأجواء إحتفالية وتقطيع لحي ويدين خارجين من تحت النقاب يحبو عالأتوغراف مع معشوق الجماهير... وكان جات الفوفوسيلا موش حرام راهو خرجوها عملو بيها فيستيفال ...
المشكل موش هوني، وموش في الغنوشي وللى بعض القيادات  وللى بالأحرى موش هوني فقط ...
على خاطر لحقيقة كي سمعتهم يغنيو طلع البدر ، قلت علأقل بالبهامة هاذي، جماعة النهضة ، ما ينجمو يلمو كان الفين صوت في الإنتخابات ... كان سلكوها ...


المصيبة الكبيرة فين ؟ في أنو الخطاب النهضوي خطاب شعبوي ، يعني بالأساس يمس الشريحة الأكبر من المجتمع ، أقصد الشريحة ذات الثقافة المحدودة ،المنعدمة وللى الثقافة المدرسية التلقينية...
بالفلاقي العباد المتواضعين الكبار شوية في السن والعباد المدمنين على قنوات النيلسات والمتدينيين الجدد ومراهقي الفايسبوك (من جماعة بسيكو آم مثلا ) والفقراء و... و ...والفرائس موجودة تبركالله
النقطة الثانية اللي يكسبها الخطاب هذا (على حساب المنافس والناخب ) مقارنة بخطابات شعبوية أخرى ، هي شرعيتو الدينية ، بمنطق : مالأخر كلامي أنا صدق الله العظيم  "وكان الشعب ما ختا
رنيش راهوغلط" ، ولازم نرجعوه على السراط المستقيم ...
 كيما جاء على لسان سيدنا الشيخ إجابة على سؤال " ماذا سيكون موقف حزب النهضة كان ربح حزب العمال الشيوعي في الإنتخابات " في حوار في قناة تونسية ...

النقطة الأخرة اللي نتصورها الأهم، هي  الوضعية التاريخية للحزب ، واللي تذكرني لحد بعيد في وضعية يهود إسرائيل...
الشعب المسكين المضطهد اللي تحرق في الهولوكوست ومبعد مشا عمل دويويلة صغيرة عالبحر. و حتى كان فكها وقتل ماليها، نورمال ، ياخي هوما عانو شوية وللى شوية؟... ورد بالك لا تشكك في تاريخهم ولى تحاول تنقد ذلك الشعب المضطهد ، مكانش تولي متهم بمعاداة السامية  ...

الصورة قريبة برشة ، وما عليك كان تبدل 
الهولوكوست ومعاداة السامية ، بدكتاتورية بن علي والإسلاموفوبيا وللى الأصح النهضاويفوبيا ...

ولك رغم كل هذه "المساعي الحثيثة" (خير مني وزير الخارجية ؟) يبقى حزب النهضة حزب موش معترف بيه ...
ولكن ، هل باش ينجم يأثر في منهج تغير الدستور وقانون الأحزاب ؟
كان لا ، شنوة مدى الخطورة اللي ينجم يخلقها إقصاؤو مالميدان السياسي؟ خاصةً وأن الإعتراف الأخير بأحداث باب سويقة يثير مخاوف أكثر مالاطمئنان خاصةً كي يجي الإعتراف بعد 20 سنة من الإنكار ...
    

vendredi 4 février 2011

قلاب الفيستة... تهمزو مرافقو



بين القلاب وقلاب الفيستة فرق صغير ...

الأول يقلبك جهار بهار عينك عينو وتتقيد عليه ،يولي منعوت بالصبع ، الصبع اللي يجي... اللي تحب عليه ... الفايدة كي يبدا معروف بالقلبة ، وتبدى انتي ماخذ حذرك منو وماتعطيهش الجنب ...

والثاني تاب ، رجع كيف الحاج من عمرة ميمونة ، قالك البارح زنس وليوم زنس آخر ، وغلطوه ومن هنا فصاعدا بش يكون عند حسن الظن ...
لكن قلاب الفيستة هو في حد ذاتو قلاب ... آه مالا كيفاش قلبها الفيستة ؟ وكيما قلبها ينجم يقلبك ...
هو يقول أيا مدام عاطيني الجنب والجماعة عاقدين فيا النوارة برا نضرب ضربتي...
والضربة ما تعرفش عليها وقتاش تجيك ، أنتي والذكاء متع قلاب..الفيستة . ساعات تلقى قلاب ..فيستة، من نهارو الأول يهبط يرفس . هذاكة اللي يقولولو قلاب بهيم وللى قلاب دغفة.
وساعات تلقى واحد يبيت الحس ويركح اللعب ويخرج يسري كي القطعي في الفجاري ... هذاكة قلاب الفيستة المهف والخبيث ... أما صعيب بش تلقى منهم النوع هذا ، والله أعلم ...
ومهما كان القلاب مهف وللى دغفة ،ديما كي تكسكسلو يرجع لأصلو ...

أيا على ذكر ألفيستة ، اليوم طحت بفيديو، بعيدة هي عالموضوع، أما عجبتني قلت نودكم بيها ...