مازلت أنتظر الثورة .

بن علي هرب ! التجمع تحل ! المجرمين يتشدو واحد بعد لاخر ! تونس سبعة ولاة عندها بلاصة في التلفزة ! الإعلام تحرر ! البوليس السياسي وفى ! مات !
التونسي نطق ! التونسي نحى الخوف ! التونسي ما عادش يسكت كي تطمس كرامتو !

أي صحيح ... فين كنا فين صبحنا ...
 بالمجد ليوم ، لا سلطة تعلو فوقة سلطة الشعب الناطق... هذا الكلو حقيقة ... هذا الكلو رائع ! حلم وتحقق ويتحقق... ممكن ...

ولكن !
كي نشوف "مشانق الثورة" منصوبة في الطريق العام ...
عباد نصبت روحها قضاة وعباد نصبت روحها محامين ،
إتهامات من كل شيرة ، دعوات إلى التصفيات الجسدية ، سب ، تطيح قدر وفي أغلب الأحيان يكون ألهدف مخطئاً .

كي نشوف عباد تدافع على شيء أو تحارب فيه وهي موش فاهمتو انما تمارس في خاصية متأصلة في الذات وهو التفكير النمطي ... بالفلاقي التفكير العلوشي بمبدأ : بابا حكى هكا ، خويا قال هاكا ، سيدي قال هكا ، عرفي قال هكا ، شيخنا قال هكا ، إذن آنا ننصاع ونتبع من غير نقاش أو تشكيك .. ومن آنا حتى أناقش؟ ومن أنت حتى تناقش؟ اليسو أكبر منا سناً وجاهاً ومالاً وعلماً وثقافةً ؟
وكأن الثقافة عندها وجه واحد وكأن العقل والمنطق اصبحا من المحرمات أو الممنوعات  وكأن الإطلاع على آراء اللي ما يشبهليش وتتبني جزءًا منها بإرادة شخصية وعن قناعة  يتسمى خيانة .

كي نتعداو من عنف الحوار إلى عنف البونيا والكف ...
وننتقلو من فرض الرأي بالحجة إلى فرض الرأي بالسلاح ...
ونتجردو من 3000 سنة حضارة ويعود الحنين بنا إلى فطرتنا الحيوانية وتتنفض الغريزة وتثور ... والحيوان خاطيه ، لا يمارس العنف ، انما يقتل ليعيش ...
ونحنا نقتلو ، أو نقتلو الأفكار ، لنعيش وحدنا ! وكأن الأرض لا تتسعنا جميعاً وكأن بلحق فما شكون صدق اللي تونس صغيرة وبالتالي فهي ترفض حملنا جميعاً !
أو ربما هي مخلفات النظام البائد : اللون الواحد و الرأي الواحد!   وفرض ألون بالقوة وتكفير الأراء المغايرة !  
خلات العبد يسخايل أنو بعد الثورة ، اللون سيتغير ليصبح لونه هو  دون غيره ، لأن الثورة ثورته ، والشعب يريد، وهو الشعب .

كي نشوف أنو مبدء عبادة الأوثان البشرية وتصغير الذات أمامها ما تنحاش ومزال ريق المناشدات و-"معنا من أجل" و-"بأبي وأمي يا شيخ القبيلة " و-"بالروح والدم نفديك يا حنيفة" ...

كي نشوف تكفير وتشهير ودعوة إلى العنف (تربريب ساعات) ، بأسم ألدين ...

كي نشوف أنو العقل يعمل "ستوب" ويخلي مكانو للقلب ( والقلب بهيم وبوهالي "بار ديفنيسيون" ) كي يشوف دمعتين ..

كي نشوف هذا الكل نخاف ... أكثر من خوفي من بن علي وصحابته ...
بن علي ما كانش يخوفني! هو إنسان (المسألة هاذي محل نقاش ) وكل إنسان فانٍ ...
ولكن الجهل والغباء وتكفير التفكير لا يفنى بفناء الأشخاص ...

نقطة الضوء في المسألة هاذي ؛ نشوف اللي هي أنو الآن، المجال مفسوح للجميع، لمحاربة الدكتاتور الكبير الموجود ، بأحجام متفاوتة ، داخل كل واحد فينا .

ميليشيا ملثمة !

هي منظمة إرهابية مسلحة عريقة في تونس ...
ممولة من طرف الدولة، اهدافها إعدام قيم الجمهورية وإرساء نظام القمع!
شعارها : بوليس لكل عائلة ، مليشي لكل حومة ، صباب لكل مواطن !
تتلقى الأوامر من الرؤوس المدبرة لحزب التجوع النايونازي ....
هي منظمة إرهابية مسلحة عريقة في تونس ، خدمت خمسين سنة جنب إلى جنب مع زوز من أكبر الدكتاتوريين اللي حكمو في العالم ...
المنظمة هاذي بعد أحداث ديسمبر2010 - جانفي2011 ، سمعت كلمة جديدة في الشارع ... حرية
فهمت اللي الحرية عندها معنى واحد : زوال النظام القمعي وتدمير الإرهاب وإقتلاعو من عروقو ...
هي منظمة إرهابية مسلحة عريقة في تونس ، فهمت اللي حان الوقت للحساب ...
فهمت وبدات تلفض في آخر قنابل مسيلة للدموع بش الشارع يسكت
وموش كان تجيب حكومة النورفاج ، بالحرام لا تذوقها الدمقراطية ، كان هي هوني ...

هي منظمة إرهابية مسلحة عريقة في تونس ، اسمها : وزارة الداخلية : الخلية المسلحة لحزب الدستور ...
الشارع موش باش يشم ريحة الياسمين ، كان ما تتنحى ها النبتة الطفيلية من عروقها
هي منظمة إرهابية مسلحة ، قدام مصالحها ، حياة 10 ملاين تونسي ما تسوى شيء ...

Les connards veulent voler ma Révolution !

ça fait des nuits que je ne dors pas !
des nuits passées à sillonner des rues , pour garder mon quartier contre l'attaque des milices !

quelles milices ?
je ne sais pas , mais je le fais comme ça ...
parce que j'aime ma patrie ...
Je le fais par amour , par instinct , par devoir , par rage , par vengeance...
une vengeance pour le sang des martyrs qui a coulé ...
une rage profonde envers un policier qui , dans la manif , a voulu me gifler ..
j'attend de le voir se pointer devant ma maison, comme ça... par hasard ...
c’est con , mais je le fais quand même ...

Que viendront faire les milices dans mon quartier ?
comment sont-ils arrivés ?
comment l'armée leurs a cédé le passage ?
autant de questions que je me pose , et je refuse d’admettre leurs réponses ...
parce qu’aujourd’hui , je vois la vie en rose ... ou plutôt en rouge et blanc ...


parce cette nuit du 14, que j'ai vu accomplir un rêve ...mon rêve a moi .
je l'ai vu se réaliser ... ou presque ...

Oui le monstre s'est avoué vaincu ,
Oui le monstre n'a pas réussi à m'arracher la joie ...

Mais les connards sont là !

Des chiens de garde oserais-je dire , ou des chiens affamés ...
Je me permet de leurs ôter tout qualificatif humain ...

des connards qui nous font chaque nuit une scène cinématographique digne des plus grands studios Hollywoodiens ...
je suis acteur , mais il ne me payent pas ...

des connards qui ont le culot de se moquer de ma Révolution , de pleurer des chiffres en banque et d'appeler les martyrs , morts ...

des connards qui n'ont pas froid aux yeux, qui tapent sur une table , qui veulent me faire taire , me faire croire que c'est fini , et qui n’hésitent pas à émettre des messages codés ...

des connards qui ne font que gagner du temps ...
parce que le destin m'a choisi comme héros ...
le destin m'a nommé maître ...

Les connards , ils veulent voler ma Révolution !

Ils n'ont toujours pas compris ...
la Révolution c'est moi !
Moi, grand peuple Tunisien !

رجعنا للوبانة متع الوطنية ...

ايجا واعمل طلة هوني قبل


- فريدة ستنا عيش أختي
- وي هيام ، شنحوالك
* طزينة ملصوقة
- نحمدوه يا وخيتي ، هاني نتنفس بلباي
- ههه ضحكتني يعطيك ، شعندك جديد يا مكبوبة ؟
- ريت أكل فضيحة في ستار آك ، يكب سعودهم !
- وه شفما ؟ أنا ملبرايم لاخر ما تفرجتش ، احكيلي يا قردة ...
- ستنا هاو جايك لحديث ، عندك لوبانة ساعة ؟
- شد وحكي ، رديتني على أعصابي زح ...
- أوه تي هاو متع ليبيا هذا ... ياسر **** انتي .... هههه ميسالش .
*طرشيقة لوبانة يتسمع صداها على بعد ميتين ميترو
- مو ريت اكا فلانة ، أكلي مركبة فم .... تي إلي عينها كل **** ...
- أي شباها وجه ال-**** ؟؟
- مو تعاركت معا لخرى أكل**** مر أخرى
*طرشيقة متع لوبانة من قوتها خدمت ألارم متع كرهبة واقفة بجنبهم
- وه وه
- أي وكلام زايد وشعورات مفيشة ودمومات .... تي أغزرلي شبيك باهتة !
*واحد متعدي بميقان
- ... ريت ملا كعبة يسوق؟

- وه فريدة يكب كبوبك وقتو توا لاهية فال**** كى ال-**** ؟
- بففف باهي كمل ...انتي هي ال**** ...
- سخطة... عاد قتلك قالتلها يا ***** ويا ***** وزيد ****
- وه وه ، توا توانسة هذومة ؟ تي فاش يستنى الحاكم بش ينحيلهم الجنسية ؟؟
-ريت ريت ؟ حتانا قلت ، تي ملا ***** ، عالأقل بالسترة يا ديني ...
- خروات فضحونا
-**** !

Big bang et trous noirs __ partie I: Big bang et intervention divine

Partie I Big bang et intervention divine




Le Big bang , modèle théorique imaginé par Georges lemaître , est l'un des fondement de la cosmologie quantique .
pour vulgariser le concept, il s'agit d'une description de l'instant zéro de la création de l'univers .
concrètement , comment ce monde fut il créé dans ses premiers instant? , ou, qu'est ce qui c'est bien passé durant un temps infinitésimal pour passé du néant à l'existence de l'univers ?..

car comme toute chose il y'a eu un commencement ... or ce commencement était bien spécial ... c'est une apparition purement ex-nihilo de toute la matière , lumière , et énergie que nous apercevons, durant un temps extraordinairement réduit (de l'ordre de millième de secondes) .
ça s'est passé avant 13.87 milliard d'année ... avant cette date le monde n'existait pas ... le concept même du néant est lourd à assimilé ... rien , pas de matière donc pas d'air ... pas d'énergie donc une absence du vide , pas de lumière donc un noir total .
Puis inexplicablement l'univers est apparu ... comme par magie ... comme par une "force divine" ...

certes il était réduit dans sa jeunesse , disons de la taille d'une tête d'épingle comparé a l'époque actuelle mais on ne peut pas parler du concept de dimension ,puisque c'était l'unique chose existante non contenue dans un autre espace .

loin de la discussion théorique , ce qui dérange c'est que la communauté scientifique est plongé dans un débat semblant interminable depuis les milieux des années vingt, date durant laquelle a été établi ce modèle .
certains refusent l'idée d'un univers en expansion et penchent plutôt sur un modèle statique . ce qu'ils refusent c'est cette apparition ex-nihilo qui n'obéit à aucune logique ...
ce qu'ils refusent d'admettre c'est ce néant décrit avant le Big Bang .
ce qu'ils peinent à croire c'est cette "intervention divine"

pour un avis personnel , je suis entièrement d'accord avec cette fameuse théorie .
ce concept de de l'ex-nihilo et du monde pré-néant je le vois chaque jour depuis ma tendre enfance dans nos médias "très scientifiques" ...
cette sainte "intervention divine" on y crois tous ici chez nous ...
Blasphémer est illégale à Big Bang City ...

تفليــــمة

أيا السلام .

البارح نهار عطلة عيد الشغل ، قلت برى نمشي للسينما نتفرج في ها النوع الجديد متع الأفلام ثالثية الأبعاد مع صحابي ...

عملت الحجز قبل بنهار وكانت مهمة شبه مستحيلة الحقيقة باش وصلت كلمت المسؤلين بالتلفون ، أيا أكهو قالولي اجا من غدوة قبل ما يبدا الفيلم ما بين نص نهار ونص نهار ونص .. و كان فات الوقت هذا ، يولي الحجز معادش صالح ..

من غدوة مشيت للميعاد وانطلقت "المسيون إمبوسيبل ٢" لقيت قدام باب السينما قرابة ميتين واحد يستناو وقتاش يفرجو عليهم ويحلو الباب بش ياخذو التساكر اللي حجزوهم . وبالطبيعة هل ميتين واحد شادين الصف وكلهم جايين عل الحجز ....

ومدامني أن زادة دخلت في الحظبة لقيت روحي كيفهم شادد الصف ... وقفت بجنبي وحدة وبدات عالدخلة شاريتها ...

" يا طفل عامل رسارفسيون أنتي ؟ كان موش عامل برا روح خليني ندخل "

" أي نعم عامل ..."

"أوه من هل عباد كلهم موش عاملين رسرفسيون وجايين يعطلو فيا"

" عيش أختي راني عامل رسرفاسيون شبيك تحكي هكة ، ستنا تو يجي دورك واتخو تسكرتك "

" أمم، يا خويا !! .. أي انتي .. عندك رسرفاسيون ؟ "

"شمدخلك زادة حاجة ؟"

"ولي بجنبك عندهم ؟"

"يعجبكشي توا ..."

"بفففف" وقعدة أكا المرا تتبكى وتتشوكع وتكش وتنش على خلق ربي ... توة ما يزيش السخانة في القوايل وزيد ها الآش باش يقول فمي تنوح على كتفي ...

أيا تعداو أك الدرجين متع التقاليد التونسية بسلام من غير ما تصيرلي حاجة

وتحل الباب نص نهار وربع ... وقف واحد في الباب ،جايبها صحة أبدان وبدا يدخل فالعباد بالشوية ... تعداشي درج لقيت روحي قدامو وبجنبي المخلوقة ...

وبدات عاد تنغرز "أووه شو ملا معدة حطينها في الشباك ... أووه تي هي راقدة " ... " ملا عباد ..." "تي ما فماش نظام ؟..." وشدة درج كامل وهيا تنفخ في راس البواب وراسي معاه ...

"أيا أدخل بركة .... شنو هل فينومان ؟ "

دخلت ودخلت وراها ...

جات قدم الشباك وقالتلها ... 26

" لا سامحني أختي ما عندناش النومرو هذا"

" وه زيد ثبت زيد "

" آش باش نثبت ؟ ما عندناش !"

" توة رزرفيت انتي ؟ تفلم ياخي ؟، ايجا من هوني ايجا "

وقعدت تحكي "وكلمت درا شكون قالي درا شنوة ..."

"ديزولي وفاو التساكر وهاو اسمك ما فماش .. ماعندنا ما نعملولك..."

"تي كيفاش تي ....."

اللهم لا شماتة إما، إيييييييه ...هههههه

حبّيت نهار تحلّ فمّك وتتكلّم...

تفاعلاً معا التخلف ألي قاعد يصير ...

وسياسة وخر وخر حتى يوفى ضهر البهيم

حبّيت نهار تحلّ فمّك وتتكلّم...

قالولك بلّع، واحمدو علّي عاطيك ...

قلت نسكت خير ملّي نتألم ...

ريت الظّلم بعينيك وقلت موش ليك...

سمعت النّشاز وقلت ملاّ فنّان ...

ريت الدّموع وقلت ملا خرنان ...

اش خير مالنّوم و راحت البال...

بلا وجايع راس بلا شوهة بلا هبال ...

أما يوفى الليل وتفيق مالمنامة ...

تلقى ألّي كان ليك ولّى خاطيك

تلقى ألي رضيت بش تبيع شرفك عليه...

ماهو ألاّ سراب يمشي.. و في وهمك يخلّيك ...

ويجي نهار الشاّبي حكى عليه في قصيدة

يدور الزّمان والدنيا تتقلب عليك ...

...ثنين وسبعين سنة مبعد

ما عيني باش نكتب حتى كلمة ...

9 آفريل 1938 العباد قامو وهاجو عالأحتلال والقمع ... 72 سنة بالضبط مبعد، الشعب ينوح عالكورة ... مسكينة تونس فين هزيناها...

حتى لوقتاش بش نقعدو مطفين الضو ؟

تي سيبونا عاد

العصب خلاني نكتب... ساعاة تكتب كلمة خير ملي تكسر اللي تلقاه قدامك من الغالي والنفيس من مقتنيات بو منديل...

توا واحد يجيك نهار كامل يعبدلك وجهك بسؤلات، تقعد باهت فالرقعة وللى البهامة متاعو وتخليك تشك في صحة النظرية الدروينية... يطلعشي هابط من بهيم حاشاكم وللى صندال...

لا وتقول توا يحشم وللى يتنبز ، وتزيد تقويلو فالدوزة متع السطاكة ... وشي، النافع الله...

توا شيهمك في جد بابا قداش نلبس في صبع ساقي...

لازم تعرف لون مريول الخلعة ؟... باش ما نجبدش حوايج داخلية أخرى

برى عيش خويا لوج حاجة العب بيها... شوف حكاية تنفعك... برى اخدم قواد مثلاً واعمل كاريار ... أما براس لحنينة سيب صالح...

برى خويا أرتع فالبراري... تذكر طبيعتك البهائمية وشيخ روحك بالحشيش البيو... ينفعك خير مالكلام تحت الحيوط... وتعيش عالأقل بهيم بكرامة خيرلك من شكاير البخس...

وحتى كان ستانست، توا نجيك من حين لآخر نسطكلك هكاكة مجاني، ميسالش الرخيص وطلب عالغالي...

ما تخافش أتوا تلقى برشة جماعة كيفك ، وتلقاو فاش تتلهاو...

نعرف اللي الطلبات متاعي ما توافقش مع طبيعتك كتونسي مثالي، أما براس الحاج والحاجة وجد بو مشتقاتهما، أسرح ح ح ح... ونورمال توا نقولك على نومرو سباطي .

وحتى كان ها التدوينة معندهاش بلاصة فالمدونة... أموري

على خير