العصب خلاني نكتب... ساعاة تكتب كلمة خير ملي تكسر اللي تلقاه قدامك من الغالي والنفيس من مقتنيات بو منديل...
توا واحد يجيك نهار كامل يعبدلك وجهك بسؤلات، تقعد باهت فالرقعة وللى البهامة متاعو وتخليك تشك في صحة النظرية الدروينية... يطلعشي هابط من بهيم حاشاكم وللى صندال...
لا وتقول توا يحشم وللى يتنبز ، وتزيد تقويلو فالدوزة متع السطاكة ... وشي، النافع الله...
توا شيهمك في جد بابا قداش نلبس في صبع ساقي...
لازم تعرف لون مريول الخلعة ؟... باش ما نجبدش حوايج داخلية أخرى
برى عيش خويا لوج حاجة العب بيها... شوف حكاية تنفعك... برى اخدم قواد مثلاً واعمل كاريار ... أما براس لحنينة سيب صالح...
برى خويا أرتع فالبراري... تذكر طبيعتك البهائمية وشيخ روحك بالحشيش البيو... ينفعك خير مالكلام تحت الحيوط... وتعيش عالأقل بهيم بكرامة خيرلك من شكاير البخس...
وحتى كان ستانست، توا نجيك من حين لآخر نسطكلك هكاكة مجاني، ميسالش الرخيص وطلب عالغالي...
ما تخافش أتوا تلقى برشة جماعة كيفك ، وتلقاو فاش تتلهاو...
نعرف اللي الطلبات متاعي ما توافقش مع طبيعتك كتونسي مثالي، أما براس الحاج والحاجة وجد بو مشتقاتهما، أسرح ح ح ح... ونورمال توا نقولك على نومرو سباطي .
وحتى كان ها التدوينة معندهاش بلاصة فالمدونة... أموري
على خير
6 commentaires:
و نرمال , ما كثر ربي كان من البهايم حشاك , و ثما باهية تسيب في بلادتها الفكرية و تتصور مثماش شكون فايق بيها
بون نوي صديقي
ونحن لهم بالمرصاد
ربي يقيك شر البهايم ...
غود نايت مان
hihihi j'adore le coup de gueule...
ca serait marrant de svaoir pkoi?
looool , tu veut vraiment le savoir ?
Pour ceux qui possèdent un bon proxy, passez le moi.
je suis curieuse de savoir le pourquoi, je savais pas que les bheyems peuvent avoir peur!!!!!!
Je suis peut être une mule quelque part mais je peux évoluer...
هوتسبوت هو الحل وليس المشكل :)
Enregistrer un commentaire