106 أرتيكل مابين البلوغ هاذا ولاخر ..
برشة تكتبو في الغش ...
برشة كتيبة عالحيط ...
برشة كلام مالقلب ...
برشة هزان ونفضان ...
ألسنة عام سبيتيال ... عام تصنصرت فيه ، عام بن علي هرب فيه ، عام تعرفت فيه على برشة عباد مالبلوغوسفير ... تعرفت على تونس الجديدة ...
قبل ما المافيوزو يهرب ، كانت أكثرية التدوينات تحكي على الحجب والحالة السياسية ألفالصو اللي كنا عايشين فيها ... وتوا آش بش نعمل؟ نكمل نكتب؟ مزال عندي ما نقول؟ عندي على شنوة نحكي؟ تي هانا ولينا عايشين في المدينة الفاضلة وجونا ليكس والمشاكل الكل وفات و الشعب بلغ من النضج والوعي و ها كالكلام ... (أمممم)
على كل،
نوعد بلوغي ما نفصعش بيه ونخليه ينعق فيه البوم على خاطرو كان من بين البلايص القلايل اللي نجم نكتب فيهم ونحل فيهم فمي (إفتراضيا) من غير ما نسمع : يزي أسكت ، سيب علينا الحيوط بالوذنين ... على خاطر ما كانتش عندي الشجاعة بش نعيط بأعلى صوتي ونريسكي بش نروح قطايع...
نتمنا لبلوغي جويوآنيفيرسير وسنين دايمة ! :)
1 commentaire:
ena wa7da mennes estamta3t barcha bnotetik :))
La période à venir est beaucoup plus défiante alors bon courage w nchallah men 7assan ila a7san :)
Enregistrer un commentaire