ليوم في القايلة والنوم في عينيا حليت جريدة الصباح ألي ديمة نواظب على قرايتها ... لقيت مقال قمقوم ...
شوف يا سيدي... قالك "خبراء يتوقعون توقف العمل بـ«سكايب» و«ام.اس.ان» قريبا" (ايجا أقر هوني).
شوف يا سيدي... قالك "خبراء يتوقعون توقف العمل بـ«سكايب» و«ام.اس.ان» قريبا" (ايجا أقر هوني).
أنا صحيح ما نشكش في مصداقية الجريدة هاذي ... أما حب الإطلاع لزني باش نعمل بحث على "GOOGLE"...
لوجت لوجت ... دخلت لأكبر المواقع ... فركست ... شرشيت ... شاتيت ... شي ! حتى حد ما فيبالو بالموضوع هذا !
أنا هكاكة في حالة من الخشوع والإجلال لها السلطة الرابعة ... وفي حالة من الذهول والفخر والإعتزاز بها السكووووب ألي والحق يقال ما جاش من لا شي وإنما ثمرة مجهودات جبارة وعناية موصولة وبرشة كلام قوي ، أنا هكاكة وجاني اليقين ... هكة، هبط عليا ضربة وحدة ... قالب !
تيقنت إلي بها القوة الإعلامية ألي عندنا، بما في ذلك المقرؤة والمسموعة والمرئية والرقمية ، تيقنت إنو مصادر الإعلام الخارجية كلها على بعضها ما تجي شي قدام الثروة ألي عندنا ومسالش نزيد نفكر إلي هي ثمرة مجهودات جبارة وعناية موصولة ومقاربة شاملة وشفافية ودمقراطية و برشة كلام قوي...
وحبيت نذكر العباد ألي يتشكاو مل الحجب باش يشوفو النعمة ألي عندهم قبل . :))
وحتى كان قصوه سكايب أهوكة عنا خدماة الجيل الثالث حتى كان أغلى شوية هي علأقل منتوج تونسي ولى "براسك"... تي المهم فمة مرابيح تمشي لخزائن البلاد .
أيا تشاو .
لوجت لوجت ... دخلت لأكبر المواقع ... فركست ... شرشيت ... شاتيت ... شي ! حتى حد ما فيبالو بالموضوع هذا !
أنا هكاكة في حالة من الخشوع والإجلال لها السلطة الرابعة ... وفي حالة من الذهول والفخر والإعتزاز بها السكووووب ألي والحق يقال ما جاش من لا شي وإنما ثمرة مجهودات جبارة وعناية موصولة وبرشة كلام قوي ، أنا هكاكة وجاني اليقين ... هكة، هبط عليا ضربة وحدة ... قالب !
تيقنت إلي بها القوة الإعلامية ألي عندنا، بما في ذلك المقرؤة والمسموعة والمرئية والرقمية ، تيقنت إنو مصادر الإعلام الخارجية كلها على بعضها ما تجي شي قدام الثروة ألي عندنا ومسالش نزيد نفكر إلي هي ثمرة مجهودات جبارة وعناية موصولة ومقاربة شاملة وشفافية ودمقراطية و برشة كلام قوي...
وحبيت نذكر العباد ألي يتشكاو مل الحجب باش يشوفو النعمة ألي عندهم قبل . :))
وحتى كان قصوه سكايب أهوكة عنا خدماة الجيل الثالث حتى كان أغلى شوية هي علأقل منتوج تونسي ولى "براسك"... تي المهم فمة مرابيح تمشي لخزائن البلاد .
أيا تشاو .
4 commentaires:
essaba7 ... chay kbir ya 3omri :'(
كعور... و دز للأعور
تقولشي علينا معزولين ع العالم ما نعرفوش ش صاير، السكايب ما ولّى يعطل كان في المكالمات اللي يكون فيها احد الأطراف ع الاقل موجود في تونس
أما تحس المقال مضروب بالسّفود... مخدوم على قاعدة، كي تقراه للوهلة الاولى يجد عليك الكلام اللي كاتبو قاعد يقول فيه
أهلا بلابرباش :))))))
بلاهي فما منها هاذي (port SSI )?
موش SSL ?
عاد امالا هي وين القوّة... هي نورمالمون ما تكون كان حاجة من اثنين
المنفذ هذاكة سرّي، يخدموا بيه في السكريتو، اكتشفو الصحافي اللي كتب الارتيكل... و اهوكة فضحهم
و الا يكون يكتب في مقالاتو بيدو، و اللي ينقّلهم ع الأورديناتور خلّط بين الماجيسكول و المينيسكول ولّى حطها كيف ما شافها و برّه... و بالطبيعة الكنترول ما تستناش منو يفيق بحاجة كيف ما هكة
Enregistrer un commentaire