دمقراطية قلتلي ؟

سيدي الرئيس ...

شنوا بابا الزين ؟ رخيت ؟
اه ؟
23 سنة بش تفهم قلتلي ؟ ممممم وكيفاش قلتلي ؟ بش تسيب الحريات ؟
ياخي عامل مزية انتي ؟
وشبيك مفجوع ؟ تبلع في ريقك ... بالشوية عالميكرو بربي ...
كيفاه مالا؟
العباد خرجت في الشارع فرحانة باليوتوب والسكر ؟
أممممم ...
عباد تزمر وتزغرد وفما شهداء ؟
علاش ما عندهمش قلب ؟

والدييك !
23 سنة تفلم وتوا لا تعلمت تعمل فيلم صحيح ؟

مانيش بش نصدقك ...
لا أنا ولا شعب تونس العظيم ...

مانيش باش نرقد وماناش بش نرتاحو حتى نشوفوك تتحاسب بكل حزم بكل حزم ...
بكل ديمقراطية ...
تحيا تونس! تحيا الحرية !