Gaza ?,un an ?

Gaza... un an ...

La chose que je n'arrive pas à assimiler c'est le choix de Gaza comme lieu , et d'un an auparavant comme date .

pourquoi le 27 decembre 2008 ?

Ce dont je suis sur , c'est que l'occupation de Palestine et les victimes qui perissent en masse ne datent pas de l'an dernier ...

Et encore , Palestine est-t-elle le seul territoire arabe occupé ?,
est-t-elle la seule à recenser des victimes ?

Mais Qu'est ce que l'occupation ?

et qu'est ce qu'une victime ?

Ne serait-t-il pas plus lucide de mettre comme titre

" Monde arabe , 300 ans deja " ?.

(تدوينة بيضاء ... أما مخر (متع توانسة

parce qu'ils veulent que tout soit Blanc ...

parce que dans la question, ils ne comprennent pas le fond...

parce qu'ils nous prennent toujours pour des cons ...

je leur offre un carré Blanc , sur fond blanc ...

Suprematist Composition: White on White, oil on canvas painting by Kazimir Malevich, 1918, Museum of Modern Art

يرحم والديك حنبعل

ساعة قبل كل شي لازم تعرفوا معزتي لحنبعل ...

وهاذاك علاش قعدت متردد بش نكتب عليه حويجة وبش نرمي عليه الورود و هو في غنن عنها...

موش نحكي على حنبعل ألي خربقها في روما وعمللنا برشة مشاكل وزيد يعبد في "بعل حمون" ولا شنوة ...

لا هذا ألي نحكي عليه مسلم ومسالم وزيد ساهم بقسط كبير بش ينمي زادي المعرفي ويحلي عينايا على برشة حاجات محيرني ومطيرنلي النوم من عيني ...

باش مانقعدش نتكلم فالمطلق ونهز فالقفة على جنب هاو بش نحكيلكم حكاية .

نهارتها كيما العادة روحت نجري للدار بش نخلط على هكالبرنامج أللي يحكي على الناس الأخرى ، بش يوعيو الشعب إنو الجنون مواطنين كيفنا كيفهم أما جوهم موش باهي برشة.

ما تتصوروش فرحتي بهالبرنمج على خاطرني كنت مقتنع وحتى حد ما حب يفهمني ...

كيفاش تراه ؟

ياخي ما تراوش ؟

زعمة علاش الكياسات مكسرة والبلديات جهدها طاح فالتصليح

"اكيد راهم جماعة مالجنون جاو حفرو الكياس باش يعملوا ربط مع "السوناد

متع الجنون) وخلاوه فرطو خارج هكاكة) ...

وعلاش فما برشة بطالة مع توفر مناطق الشغل بالبالة ؟

تي مو الجنون شدولنا بلايصنا نحن الإنس، وزيد قاعدين يكركرو فالخدمة وماهمش يخلصو فالتقاعد ...

باهي، مالة علاش هاكالعام ٩٩٪ في الإنتخابات ؟

علاش موش ١٠٠٪

قتلكشي فما جنون ، جاو فسدوها ومخلاوناش نفرحو على قاعدة ...

وقصان الضو ؟ وماء السبالة ألي كسر القاعدة متع الايقاظ العلمي (لا لون ، لا رائحة ولا طعم له )؟ وحركة المرور الداخلة بعضها ؟ والمترو ألي اجي كل سنة كبيسة ؟ وهلمجر ... باش نفسروهم ؟

يرحم بوك أحنبعل ، توا كل شي ولى واضح !!

ملاحظة : وأنا نكتب فالتدوينة قصة عليا الأنترنيت ثلاثة مرات ، أكيد راهو ولاد بسمالله فطنو بيا نفضح فاهم... هههه

...القلق والبطالة يعملو

قالك في هالأوقات العصيبة متع البطالة والقلق ، كل واحد يلقى حكاية يشد بها يدو ويقتل بها الوقت ، حتى يحن عليه المولى بخديمة .
فما ألي يمشي للقهوة ويستقر فيها وكان لزم يشري شوية هوا غادي ويكمل يهز طاق ويسكن فيها .
وفما ألي يتذكر هواية يتفرهد بها، مثلاً شدان الحيوط والمصيد - والدولة الحق مش مقصرة في إنشاء المرافق اللازمة - من بنية تحتية من حيوط "وقلت" ومشتقاتهما .
فما زادة إلي يعدي نهارو وليلو معنق المخدة ، مايسيبها كان وقت المباريات الرسمية والدربي .
والقائمة تطول ...
أما هذومة الكل خطط كلاسيكية ، تجاوزوها الزمن والحادثة، ومعادش يوكلو الخبز .
فما شكون حط البديل ، قال كان أنا بطال وفاضي شغل، علاش ما نوليش مناضل فماش ما نضرب ضربتي وندبرها ، أي شبيه ، شفاها هيا الحكاية ؟ مدونة ، قفيفة معبية بالي كتب من لغة خشبية وضريبة دهن قازوردي ميتاليزي هههه .
وإهوكة ألي مش عاجبو كلامي يتسمى خاين ،
شبيك؟؟ راني مناضل !!

...القلق والبطالة يعملو

11-12, journée mondiale de deuil pour les droits de l'Homme

... اليوم الوطني لل

اليوم، 8 من شهر ديسمبر. كيما كل عام من هاكل العام تبدا الحملة الوطنية "لتلقيط" التبرعات، هاكل شوية مليارات ألي باش نعاونو باهم الزواولة ...
شخصياً عندي برشة ملي نحضر هاليوم الخارق للعادة و كل 8 ديسمبر نزيد نتعلم التضامن على قاعدة وتزيد تتأصل فيا روح العطاء ...
كل عام نزيد نفهم المعاني السامية لهالنهار الهايل .
وكل عام تزيد تزيد ثقتي تقوى بجامعي الضرائب... نقصد التبرعات .
نتذكر زادة فالمعهد كنت ديمة وفي ، وديمة ندفع ، والإدارة مش مقصرة في تذكيرنا بأنو التضامن لازم يكون منبثق من اقتناع شخصي ، ومسهلتنا الأمور ، وكل شي واضح زادة.

و أهيا تصويرة لقيتها تغني عن كل تعليق ...

وكل عام وانتوما والزواولة بألف خير .

journée mondiale de la lutte contre le Sida

ayons une pensée pour eux

ما ننساوهمش ...