تفرجت في فيديو الراجحي ...
الحقيقة ما نجمش نصدق كي البوهالي ، هناني بناني ... الراجل لا نعرفو ولا عمري ريتو ... أما هاذي فرصة ما تتفلتش !
ما يهمنيش فيه صحيح واللا غالط ... الحاجة اللي نعرفها اللي نحنا توا عنا أكثر من أربعة شهر مللي طيحنا بن علي والشعب كل يوم يزيد يتفرق والشعب كل يوم يزيد يضعف واللي هذا يدافع على حزبو ويحبو أكثر من بلادو ولي يسب في حزب لاخر... وتحولنا من ثورة للحرية ألى حرب ايديولوجيات ماهيش بش توفى... وتمشي وتقوى.
الثورات الناجحة في العالم الكل، قامت على جملة من المبادئ يتفاهمو عليها العباد الكل ! وكان نحبو نلوجو على أرضية متع إلتقاء لازمنا نبعدو على كل انتماء حزبي أو ثوب أيدلوجي !
الأحزاب بطبيعتها عندها افكارها اللي ما تنجمش تتخلى عليها ولكن الثورة والوطن مهوش ملك للأحزاب !
الوطن ملك للجميع لكل أطياف الشعب، للإغلبيات والأقليات اللي لازم يعيشو في توافق .. القاسم المشترك اللي يجمعهم هو درابو تونس!
كان نحبو ها الثورة تنجح لازم ما نضيعوش ها الفرصة باش نعاودو نشتركو !
مبادئ ثورتنا ، نحنا نحطوها من توا ! مبعد نترجموها في دستور ! نحنا اللي قمنا بالثورة موش احزاب ، كانت طيلة 23 سنة غايبة ونحنا ناكلو في الخبط !
سكر قلبك ! حل عينك ! حل مخك ! وخمم في مستقبل بلادك ! بكل عقلانية بعيد على المشاعر !!
ها الفرصة جات مالحيط هدية مالسماء ، يا أما نستغلوها ، يا أما نحن شعب فاشل ...
وكيما قال الشابي ...
إذا الشعب يوما أراد الحياة ، فلابد إن يستجيب القدر
عاشت الأمة التونسية !
الحقيقة ما نجمش نصدق كي البوهالي ، هناني بناني ... الراجل لا نعرفو ولا عمري ريتو ... أما هاذي فرصة ما تتفلتش !
ما يهمنيش فيه صحيح واللا غالط ... الحاجة اللي نعرفها اللي نحنا توا عنا أكثر من أربعة شهر مللي طيحنا بن علي والشعب كل يوم يزيد يتفرق والشعب كل يوم يزيد يضعف واللي هذا يدافع على حزبو ويحبو أكثر من بلادو ولي يسب في حزب لاخر... وتحولنا من ثورة للحرية ألى حرب ايديولوجيات ماهيش بش توفى... وتمشي وتقوى.
الثورات الناجحة في العالم الكل، قامت على جملة من المبادئ يتفاهمو عليها العباد الكل ! وكان نحبو نلوجو على أرضية متع إلتقاء لازمنا نبعدو على كل انتماء حزبي أو ثوب أيدلوجي !
الأحزاب بطبيعتها عندها افكارها اللي ما تنجمش تتخلى عليها ولكن الثورة والوطن مهوش ملك للأحزاب !
الوطن ملك للجميع لكل أطياف الشعب، للإغلبيات والأقليات اللي لازم يعيشو في توافق .. القاسم المشترك اللي يجمعهم هو درابو تونس!
كان نحبو ها الثورة تنجح لازم ما نضيعوش ها الفرصة باش نعاودو نشتركو !
مبادئ ثورتنا ، نحنا نحطوها من توا ! مبعد نترجموها في دستور ! نحنا اللي قمنا بالثورة موش احزاب ، كانت طيلة 23 سنة غايبة ونحنا ناكلو في الخبط !
سكر قلبك ! حل عينك ! حل مخك ! وخمم في مستقبل بلادك ! بكل عقلانية بعيد على المشاعر !!
ها الفرصة جات مالحيط هدية مالسماء ، يا أما نستغلوها ، يا أما نحن شعب فاشل ...
وكيما قال الشابي ...
إذا الشعب يوما أراد الحياة ، فلابد إن يستجيب القدر
عاشت الأمة التونسية !
